التجديف فى نهر النيل بالقاهرة متعة خاصة وجديدة تستحق التجربة

ناس كتير سواء داخل او خارج القاهره بتبعتلنا تسال ايه الاماكن الي ممكن تتزار في القاهره و تكون مسليه بعيده عن جو الاثار و المطاعم و الكافيهات و تكون رخيصه و نرجع منها مغيرين مود او الحياه الروتينيه الي بنعشها كل يوم.

التجديف … عمرك تتخيل ان تجرب موضوع التجديف في النيل لوحدك؟

التجديف طيب هو لازم اخد كورس عشان اعرف اجدف؟

هو لازم يكون عندي قارب او ادوات التجديف؟

تعالي اجاوبك علي الي كل الي بيدور في دماغك:

اولا المكان الي هتكلم عنه كفيل انه يغير مودك و يعلمك حاجه جديده تستمتع بيها و تطلع الطاقه السلبيه الي جواك و لو جربتها مره هتدمن الموضوع جدا.

انت مش لازم تكون لاعب محترف او تكون شخص مجرب التجديف ده قبل كده عشان تستخدمه و مش لازم تكون بتعرف تعوم كمان , طب ازاي؟

في المكان ده هتلاقي كابتن اسمه جوده دوره يتلخص في نقتطين هما:

يعلمك اللعبه ديه في ١٠ دقائق
انك لازم تخرج مبسوط من عنده.

طبعا لو متعرفش تعوم هيكون عنده لايف جاكت و برده بينزل معاك و بيديك قارب لمبتداين لكن لو سباح و مش بتخاف هيخليك تجرب كل القوارب حتي قوارب المحترفين.

طيب المواعيد ايه و الساعه بكام و لا نظام الدفع ايه؟

المكان ده بيفتح من الساعه ٣ العصر الي الساعه ٧ مساءا و لو معاك مجموعه ممكن يجيلك مخصوص من ٧ الصبح.

الاسعار :

  • ممكن تروح بالمره و هيكون سعرها ٨٠ جنيه لا غير و خد القارب اي عدد ساعات حتي لو من ساعه ما يفتح الساعه ٣ لساعه ٧ مساءا يعني ٤ ساعات بتستمتع بالتجديف و النيل ب ٨٠ جنيه.
  • ممكن تاخده كورس ٨ مرات في الشهر ب ٣٠٠ جنيه يعني المره ب ٣٧.٥٠ جنيه ? و مش بس كده هيكون معاك كورس فيتنس بيعلمهولك و برده الكورس بتاخد القارب زي ما تحب يعني مش مرتبط بالساعه.

و علي فكره عنده قارب الدراجون و ده هيكون معروف لناس الي سافرت بره و جربت التجديف و ده عباره عن قارب كبير ممكن يشيل ١٦ فرد و ممتعه جدا. و ليها سعر خاص حسب عدد الافراد الي عليها.
هناك برده في تدريب علي الشراع و بسعر رمزي برده و نفس عدد ساعات القارب.

لو انت سباح جرب فعلا تنزل الميه هناك و هتحس بمتعه اكبر من السباحه في البحر او حمام السباحه و متخفش مفيش بلهارسيا او تماسيح عشان الميه جاريه مش راقده فعشان كده امان جدا.

ملحوظه:

هناك في حمامات لاستحمام و تغيير الملابس فخد مايوهاك و لبسك و انت متطمن.

الموضوع ينفع بنات و اولاد و مختلف الاعمار حتي لو عندك ٨٠ سنه

العنوان:

نادي يخت الجيزه لو راكب المترو انزل محطه الاوبرا و اول ما تطلع من المحطه امشي لحد فندق شيراتون و اول ما توصل لفندق اديله ضهرك و عدي الشارع اسال علي نادي يخت الجيزه هتلاقيه معروف جدا سيبك من اول بوابه و ادخل من البوابه التانيه عشان المكان ليه بوبتين و قول لامن كابتن جوده.

علامه مميزه لمكان: جنب كافيه seagull و لاتينو كافيه.

هذة التجربة المميزة من صديق الموقع fb.com/mando277

 شارك المقالة دى مع اصحابك واختار منهم اتنين وشوف هتروحو أمتى?

أترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.