رحله الى عاصمة الضباب لندن بنظرة مختلفة

لندن هي عاصمة المملكة المتحدة وأكبر مدنها. تقع على نهر التيمز في جنوب بريطانيا. يعيش في المدينة حوالي 8.4 مليون نسمة، منهم حوالي 2.7 في أحياء لندن الداخلية لندن بعتبرها من اكتر البلاد اللي فيها اكتيفتي
يلا نبتدي الرحله بتاعتنا

اول حاجه طبعا اجراءات الفيزا

التأشيرة 

المملكة المتحدة أو بريطانيا العظمى تضم كل من سكوتلاند و إنجلترا و أيرلندا الشمالية و ويلز
(جمهورية أيرلندا لها فيزا مستقلة)
هى كانت جزء من الإتحاد الأوروبى حتى تم التصويت على الإنفصال فى يونيو 2016 Brexit و لكن حتى الآن لم يتم إتخاذ أى إجراءات بخصوص الخروج
يتم التقديم على الفيزا الخاصة بها من خلال tlscontact سواء بالإسكندرية أو القاهرة
الأبليكيشن الخاص بها أنا أعتبره من أغلس الأبليكيشنز اللى ممكن تملاها للحصول على تأشيرة
خطوات التقديم:
أولا يفضل إنك تدخل على الموقع من هنــا للتعرف على جميع الإجراءات و أنواع الفيزا المختلفة سواء كانت سياحة أو زيارة عائلية أو دراسة …. إلخ
ملحوظة يوجد موقعين للأبليكيشن و كل واحد فيهم له أنواع فيزا معينة الموقعين هم

visas-immigration

و

visa4uk

بالنسبة لفيزا السياحة أو الزيارة يتم الدخول على موقع visa4uk و يتم عمل أكونت عليه و بعد ما يوصلك إميل بالتأكيد بتقدر تدخل على الأكونت بتاعك و بتبدأ خطوات الأبليكيشن
لما بتدخل على الأكونت بتلاقى فى كذا أوبشن
لو بتقدم لنفسك Applying for myself
أو applying for someone else لو بتقدم لحد تانى من نفس الأكونت
أو view my applications لو عايز تدخل على الأبليكيشنز اللى إنت عاملها
بتختار أوبشن applying for myself بيطلب منك تدخل بعض البيانات الأساسية زى الإسم و تاريخ الميلاد و رقم الباسبور و تايخ السفر و الجنسية – بعد كده بيطلب منك تختار نوع التأشيرة اللى هتقدم عليها و بتضغط على create فبيدخل على صفحة الأبليكيشن
الأبليكيشن بيتكون من 7 أجزاء و كل الأجزاء الخاصة بالأبليكيشن لازم تتملا و كل ما تكمل جزء منها هيتحول من اللون الأسود للون الأخضر
يفضل إنك تكون عامل حجز فندق مبدئى لأن فى الأبليكيشن هيطلب منك تدخل العنوان اللى هتنزل فيه
بعد ما بتخلص كل أجزاء الأبليكيشن و تراجعها كويس جدا و تتأكد أنها سليمة بتعمل submit
الخطوة اللى بعد الأبليكيشن إنك بتملا زى إقرار أو تعهد بصحة البيانات اللى فى الأبليكيشن
بعدين بيفتح لك المواعيد المتاحة و بتختار الموعد المناسب لك سواء فى القاهرة أو فى الإسكندرية مع الأخذ فى الإعتبار إن مكتب إسكندرية فيه رسوم زيادة حوالى 60 دولار تقريبا و بيوصلك إيميل تأكيد بالموعد و العنوان
بعد كده بينقلك لصفحة تانية بتروح تدفع عليها و للأسف المشكلة إن الدفع أون لاين هو الأوبشن الوحيد المتاح عندهم بعد الدفع بيوصلك إيميل تأكيد الدفع
بعد كده بتسجل على موقع المكتب الوسيط من هنــــا
و بتختار إسكندرية أو القاهرة و بتعمل أكونت على السايت بعد ما بيوصل لك إيميل التأكيد بتدخل على الأكونت بتاعك و بتعمل أبليكيشن بسيط برقم GWF بتاع الأبليكيشن بتاعك و برضو هيوصل إيميل تأكيد
بعد كده بتطبع الأبليكيشن و توقع عليه و بتطبع إيميل تأكيد الدفع و بترفق المستندات المطلوبة و المناسبة لنوع الفيزا اللى مقدم عليها و اللى هى مبدئيا بتكون:
الباسبور و أى باسبورات قديمة و صور منها و كل الصفحات اللى عليها أختام و تأشيرات
كشف حساب بنكى عن ال 6 شهور اللى فاتت و أى مصدر للدخل كتبته فى الأبليكيشن لازم تقدم دليل عليه
خطاب من جهة العمل للموظفين أو سجل تجارى و بطاقة ضريبية لأصحاب الأعمال الخاصة أو شهادة قيد للطلبة
حجز الفندق اللى كتبت عنوانه فى الأبليكيشن
(شهادة التحركات – حجز الطيران – التأمين مش مطلوبين للفيزا) لكن الناس اللى فى المكتب مش بيقولوا لأ على أى ورقة بتقدمها بصراحة بياخدوا أى حاجة
طبعا اى أوراق و مستندات بتكون مترجمة للغة الانجليزية
فى مجموعة من الخدمات طبعا إسمها added value services فى حالة إنك مستعجل على الفيزا أو عايز تحتفظ بالباسبور معاك لحين الإنتهاء من الإجراءات أو إنك تستلم الباسبور بال DHL هتلاقوها على السايت و برضو بتتدفع أون لاين وإنت بتعمل الأبليكيشن هنــــا
اليوم اللى بتروح فيه الموعد بيتم إستلام الباسبور و المستندات و بيتم عمل بصمة ألكترونية و بصمة صوت و بيتم التصوير هناك (مش بيحتاجوا صور شخصية) و بتوقع ألكترونى
مافيش إنترفيو المكتب وظيفته إستلام الورق فقط
سعر التأشيرة (الـ 6 شهور) 125 دولار (مكتب القاهرة) و 190 دولار (مكتب إسكندرية)
فى تأشيرات سنة و سنتين و لحد 10 سنوات و لكل تاشيرة لها سعر مختلف لكن لو أول مرة تقدم يفضل تقدم على ال (6شهور) لأنك لو طلبت أكتر من كده لازم تثبت إن فى سبب مقنع يخليك تحتاج تسافر بصفة مستمرة
التأشيرة بتاخد 14 يوم تقريبا و بعدين بيوصلك رسالة إن الباسبور جاهز إما بتروح تستلمه بنفسك أو عن طريق شركة الشحن حسب ما إخترت و إنت بتعمل الأبليكيشن

حبة نصايح كده فى السريع

الأبليكيشن طويل و مش شرط إنك تخلصه كله مرة واحدة بس نصيحة إنك كل ما تسجل معلومة تعمل لها save لأن ساعات الموقع لما بيحس إنك idle بيعمل log off من نفسه و لو مش عامل حفظ كل الداتا اللى دخلتها بتضيع
التركيز مهم و إنت بتعمل الأبليكيشن عشان فى أسئلة بتكون مكررة بس بصيغة مختلفة (نظام توقيع)
ماتعملش submit للأبليكيشن غير لما تكون راجعته أكتر من مرة و تأكدت إن المعلومات صحيحة
لو عملت submit للأبليكيشن و إكتشفت إنك كتبت معلومة غلط أو عايز تغيرها لو إنت لسه مادفعتش إعمل أبليكيشن جديد و القديم بيتلغى لوحده بعد فترة معينة و لو كنت دفعت هتضطر تراسلهم عشان تقدر تعمل refund
ده فى حالة ان المعلومة الغلط حاجة كبيرة … لو حاجة صغيرة ممكن تعدلها باليد فى المكتب و توقع جنبها
لو حبيت مستقبلا تقدم تانى على فيزا جديدة مش هتحتاج تعمل أكونت جديد بتدخل بنفس الأكونت اللى إنت عامله سواء على visa4uk أو tlscontact

و نيجي بقي لبرنامج الرحله بتاعتنا بعد الوصول الي مطار هيثرو عندنا محطه اوبيسات بعد الخروج من الصاله والمترو مبدا عمل كات الموصلات استورلي كارت ونعمل حسب الفترة اللي احنا قعدين فيها هناك مع العلم الكارت شامل اتوبيسات …….والمترو ليه شحن تاني والرحله تقريبا بحاولي 5 استرليني ا والكارت اسبوعي تقريبا بحاولي 35 الفندق (THE MASTER ROBERT ) في منطقه الهانسلو ويست الفندق دة نضيف جدا وقريب من محطه اتوبيسات الهانسلو ومترو …ومكان قريب من محطه مترواستورلي …..لو هنروح الفندق دة يبقي من المطار اتوبيسات رقم (111 – 222 – 82 ) ننزل محطه الهانسلو ومن مطه الهانيلو نركب H91 غير كدة ممكن تتعامل عن طريق الخريطه وحسب موقع القندق او الهوستيل اللي احنا نازلين فيه اليوم الاول بعتبرة اكشاف للبلد من راي في اي رحله نسافرها اول يوم نحاول نستغله في معرفه ما حول الفندق من امكان علي شان نعرف ابعاد الفندق ايه من محطه الاتوبيسات او المترو على شان الرجوع

اليوم الاول: لو عاوزين نعمل تور علي معالم لندن ومعرفه الاماكن بامكانك تزور كل المعالم اللي حتشوفها من الباص علي سبيل المثال … زاي لندن اي ..بج بن…. قصر باكنجهام وياريت نروح عند فصر باكنجهام بدري علي شان نشوف العرض الساعه 11.30الوقت دة بيكون فيه تبديل الحرس المالكي بيكون عرض تحفه … وفيه كمان متحف الشمع …ووماربل ارش .. والمتحف البريطاني وشارع الاكسفورد .. والبكاديلي .. والتلفلجار اسكوير .. ونهر التيميز .. ومن الممكن ننزل في اي محطه من الأتوبيس السياحي نتصور مثلا ونرجع نركب تاني بنفس التذكرة من محطات
الابوبيس ……الماربل ارش – البيكراسريت – الاكسفورد سيركس – الهايد بارك – والبيكاديلي سيركس
ديه معرفه عامله علي امكانيه وزيارة معالم لندن من الاتوبس السياحي

اليوم الثاني: وما بعد التور لمعالم لندن نحدد بقي هنروح فين
في عندنا كذا اوبشن اول اوبشن ممكن نعمل رحله الي نهر التيم او ممكن نروح متحف الشمع وفي بعذ الاوقات بيكون في اوفر مع متحف الشمع + لندن اي او متحف الشمع + رحله في التيم اقبل الاوفر علي شان دة بيكون ارخص من انك تقطع تذكرة لمتحف الشمع بس
من الماربل ارش نركب اتوبيس علي حسب ما افتكر 74 او 30 للوصل الي متحف الشمع …وياريت نروح بدري لان بيكون زحمه جدا بعد ما خلصنا متحف الشمع نيجي لمتحف تاني متحف شارلوك هولمز هو جنب متحف .الشمع وطبعا عندنا كمان ?.. ريجنت بارك من الحاجات اللي فعلا لازم نتمشي فيها هتستمتع بهدوء غير عادي

اليوم الثالث: ومن بردة محطه الماربل ارش الي المتحف البريطاني نركب اتوبيس رقم 10 – او 98
لو عاووين المتحف العلمي والطبيعي نركب من edgware road اتوبيس رقم 7
في كذا متحف … المتحف البريطاني المتحف الطبيعي ..والعلمي … المتحف الطبيعي والعلمي جنب بعض علي طول

اليوم الرابع: ندوخل بقي علي الهايد بارك لمحبي الهدوء والطبيعه والتمشيه في عندنا الهايد بارك … وجيمس بارك وجنبها ساحه تحفه وامامها الروياال البرت ….ولو حد رايح الرحله ديه معه اطفال في عندنا حديقه الحيوان من الحاجات اللي فعلا هتستمع بيها لو حد معه اطفال بجانب طبعا ساحات الهايد بارك بعد ما نحلص زيارة الاماكن ودخلنا بقي علي نهابه اليوم ممكن نعمل حاجه لطيفه جدا نروح ميدان تلفلجار ومنه الي البج بن من البج بن الي لندن اي ومن لندن اي الي ويستمنستر ابي من اقدم المباني في اوربا وجنب االمجلس البرلماني البريطاني علي طول

اليوم الخامس: الذهاب الي سيتي اوف لندن ومنها الي لندن بريدج جنب لندن بريدج قلعه ممكن ندخولها وممكن بردو نطلع بريدج لندن و سيتي اوف لندن بعد ما بنخلص كوبري ويستمنتسر بنكون في سيتي اوف لندن اللي هنطلع منها علي لندن بريدج المسافه كبير جدا للوصل الي لندن بريدج نركب اتوبيس للوصل الي لندن بريج رقم 15 او 719 او 722
وممكن نركب مترو علي طول

اليوم السادس: نيجي بقي الاماكن الاكل شارع العرب edgware road الاكل هناك حلال لان المحلات اللي موجودة في الشارع دةعرب احلي لبناني عراقي سوري مغرب جميع الجنسيات هتلقيها في المحلات وطبعا منساش الهاردوز مع الاكسفورد استريت وفي كمان وانت منطفه الماربل ارش ومول ويست فيلد ودة من المولات التحفه اللي ممكن تشوفها وانت في الاكسفورد ندور علي الابداع في اللبس الرخيص اللي في المتنااااول بريمارك وكمان جنب محطه اتوبيسات رئيسيه هناك اسمها الهامر سميث في جنبها بردة بريمارك ومن الهامر اسيمث ممكن تركب اتوبيس 10 الي بيروح ويعدي علي الاكسفورد وما حولها الي البيكاديلي

اليوم السابع: تكمله للشوبينج في جنب استاد ويمبلي اويت ليت كبير وكينز وفي مكان تاني اسمه الاسواق المستعمله في لندن ايام السبت والاحد والثلاثاء في منطقه الهانسلو ويست جنب محطه الاوتوبيسات علي طول في واحد وفي واحد تاني اسمه الكاااار بوط ودة دخوله بجنيه استرليني لان بجد فيه حاجات حكايه تستحق ان الواحد يدخول يشوف وهتحااااامل من السوق دة كتير اجهزة لبس عدة اي حاجه ممكن نتوقعها هنلقيها في الكار بوط وهو عبارة كل واحد من اهل المنطقه وما جولها عندة حاجه عاوز يبعها بتلقيه وقف علي العربيه بتاعته بيبعها نركز بقي في اللي جي دة وينجي علي الشيكولاته هتقولي ما ممكن اجبها من اي محل هقوله هتندم لو ماروحتش ASDA الهايبر ماركت دة من الاخر ولو كمان جبت شيكواته ASDA احلي من اي شيكولاته ممكن تاكلها ورخيصه وكمان في عروض علي الشيكولاته هناك تحفه نروح ازاي ASDA لو احنا في وسط البلد نركب الي محطه الهامر اسميث ومن محطه الهامر اسميث نركب اتوبيس H91 الي محطه الهانسلو ويست ومن الهانسلو ويست نركب اتوبيس 222 او 82 وننزل محطه THE BELL ننزل من الاوتوبيس نرجع خطوتين هنلقي الهاي استريت بتاع الهانسلو الللي كمان فيه محلات رخيصه وتحفه وفي نص الشارع مول علي اليمين وكمان في محل في المول دة اول ما ندخول علي اليمين بيعمل اوفر حلو علي البرفانات المهم واحنا في الهاي استريت دة اي شارع ندخول فيه شمال هنلقي الهايبر ماركت… وانجوي

ملاحظه على الاتوبيسات في كل محطه لوحه بارقام الاتوبيسات اللي بتعدي علي المحطه من الممكن الاتوبيس اللي احنا عاوزينه يعدي علي المحطه اللي احنا وقفين عليها بس مش هيقف علي شان ديه مش المحطه اللي بيقف فيها نتاكد قبل الوقف علي اي محطه هل الاتوبيس اللي احنا عاوزينه بيقف ولا لا عليها

التجربة دى عرضتها الاستاذة @HEND SALEM