سفريتى لتركيا اللى اعدت فيها 8 ايام زورت 4 مدن , و جيت من اسبوعين كدة كنت طالع لوحدى backpacker و من غير ولا شركة سياحة و ادى التفاصيل كالتالى:
1. الفيزا: دى بتفتح الموقع بتاع السفارة تشوف الورق المطلوب و اهمه (ال hr letter و bank statement و حجز فندق) طبعا فى ورق تانى زى الطيران و التأمين بس هو مبصش عليهم و مخدهمش حتى
بتعمل application على ال website و بتنزله و تطبعه و تروح بيه مع باقى الورق. بتحدد معاد من على ال website برضو و غالبا بيبقى فى حدود من اسبوعين لشهر. التأمين بتعمله من اى شركة سياحة الأسبوع ب 65 جنيه بس و عموما تحضير الورق ده كلة بكبيره 3 ايام بس
بعد كدة تروح فى معادك معاك 60$ كاش و مش بتستنى كتير جوة. بيسألك رايح ليه و ياخدله حبة ورق و يديلك وصل. بتيجى تستلم التأشيرة بعد اسبوع بس.
ملحوظة حد قالهالى: اعمل تأمين شهر و احجز فندق مش hostel عشان غالبا ده اللى بيخلى الفيزا تاخدها قليل، انا اخدها 15 يوم. بعد كدة ابقى الغى حجز الفندق (free cancellation) و احجز hostel او روح لحد couchsurfing لو مش فارق معاك خلاص اعمل تأمين على قد المدة بس. التأمين اسبوع ب 66 جنيه
الفيزا صالحة 3 شهور فمتقدمش عليها من قبل كدة.
التعليمات: من هنـــا
2. تصريح السفر: و دة مدته شهرين بس لسفرية واحدة وبيكلف 50 قرش
بتروح بالبسبور و صورة ليه و صورة للفيزا و توديهم مجمع التحرير من 10:30 كدة. انا مهندس كمبيوتر ف فيزا سياحة مفيهاش مشاكل. انما لو مكتوبلك مؤهل مش وظيفة او طالب غالبا لازم دعوة و دى من اى شركة سياحة.
الظابط بيسألك رايح ليه قوله اتفسح و روح و انت باين عليك الشقاوة لو بنت مفيش مشاكل بعد 3 ايام تروح تسلمها بس بيقعدوك برة بتاع ساعتين كدة فروح من 11:30 مثلا.
3. الطيران: و ده فى كذا website زى مثلا
النيل للطيران فعلا رخيصة اوى لتركيا مطار صبيحة (حكلم عليه). احجز الطيران قبلها ب 3 شهور لو تقدر انا لقيت واحدة 3100 بس اتملكعت و جبتها فى الأخر جبتها ب 3700 رايح جى.
4. الفنادق: زى مقولت هو hostel من على
بس خلى بالك فى نسبة بتتاخد. ف لو حابب ممكن تدور و تكلم المكان علطول شات او skype و تدفع اما توصل. النسبة اللى بتداخد 10%
5. المعيشة: من الأخر الدنيا مش غالية و الأحسن تبص على websites زى دول
و انا حكلم كنت بعمل ايه
و عموما انا احتجت حوالى 140$ بس لمناطق سياحية و اكل و شرب و مواصلات فى 4 مدن
و طبعا الطقس بصو عليه من هنـــا
الدولارات بتجيبوها من البنك غالبا لازم تروح قبل الطيارة ب 3 ايام و معاك الباسبور عليه الفيزا و تذكرة الطيران و لكم مرة واحدة ب 1000$ فى السنة. فلو انتم بتسافرو كتير هاتوهم كلهم مرة واحدة. معظم البنوك كدة بس اتأكدو من البنك بتاعكم برضه.
لغاية دلوقتى الطيران + الفيزا + التأمين = 3500 + 1000 + 70 = 4770
6. المساعدة: من الأخر محدش بيكلم english الا قليل اوووووى ف انت و انتى روحو مستعدين ب:
Google Maps offline maps
Here Wego map offline access
trafi offline (و ده فى كل وسائل المواصلات فى اسطنبول)
Google Translate offline language with image translate
Google Trips offline (عشان تنظم الاماكن اللى حتزورها)
لو حابب تشترى خط (انا مشترتش) هو غالى بحاول 15ّ~20$
خطوط الموبايل هناك غالية و فى مشكلة انك لازم تسجلها. انت لو قاعد فترة صغيرة مش مهم تسجل الخط انما لو مطول اكتر من 30 يوم فى الحالة دى لازم تسجل الموبايل. و المشكلة انك لو سافرت اشتريت خط اعدتلك اسبوعين و مشيت. بعد حبة (مش فاكر تقريبا 6 شهور) الحكومة بتعمل block على الموبايل serial number يعنى لو رجعت تركيا تانى و اشتريت خط جديد مش حيشتغل خلاص.
و طبعا متنساش ال Power Bank
وسائل المواصلات العامة اخرها الساعة 12 كدة خلى بالكم
7. المطار: فى مطارين فى اسطنبول، من واقع خبرتى الصغيرة ان مطار صبيحة ارخص بس بعيد فى الجانب الأسيوى. مش مشكلة حتنزل من الطيارة الحمد لله تروح تركب حاجة اسمها Hava bus ده ب 15 ليرة حينزلك فى Taksim Square و بياخد ساعة فى العادى و ساعة و نص لو الدنيا زحمة و هناك خدلك صورتين حلوين و اشترى بعد كدة transportation kart و دى ب 7 ليرة اشحه ب 13 ليرة كفاية و حيزيد كمان و لو عوزت تانى اى محطة مترو ممكن تشحنو.
هناك المواصلات نضيفة اوى فى اتوبيسات و ترام و مترو و مراكب و كله فى ال application اللى انا كاتبو فوق.
8. السكن: انا اعدت فى اسطنبول يومين ب 14$ و يوم فى انطاليا ب 15$ 🙁 و يوم فى كبادوكيا ب 6$ و الباقى كنت بنام فى الأتوبيس
و معظم الأماكن بتقبل فيزا. و ممكن تعد عند حد couchsurfing
الأماكن:
Neverland in Istanbul: 9 per room … Won’t recommend it
Marina in Anytalya: 4 per room … Great place but expensive
The Cave Dorme in Cappadocia: 16 per room … The most amazing stay I ever had <3
9. الاتوبيس: احسن شركة اسمها metroturizm و ممكن تبصو على الأسعار من ال website
انا عموما حجزت ب 1740 جنيه 4 اتوبيسات ل Antalya, Cappadocia, Edirne, Istanbul
الاتوبيسات نضيفة فيها wifi و TV لكل كرسى و مريحة الكراسى و فى وجبات و مشروبات مجانى علطول.
انا حجزت اما وصلت . انا كنت عاوز احجز online بس ال website مش بيدفع عليه مش عارف ليه.
10. هناك
– احلى واحدة هى كبادوكيا بجد تحفة و اسطنبول محتاجة وقت اكتر خصوصا للبنات يعنى على الأقل 5 ايام. انا لفيتها فى 3 ايام بس زورت كل كل حاجة راجع ب 2000 صورة و فيديو خلى بالكم انا backpacker كنت مسافر تركيا بشنطة على ضهرى بس فاللى حابب ياخد وقته مش لازم يروح كل ده عشان تعب اوى.
– كبادوكيا كان فيها احلى Hiking فى الغابات و الجبال لمدة 5 ساعات كدة و كمان احلى غروب و شروق شمس شوفتهم فى حياتى . احلى meditation عملتو هناك بعد غروب الشمس
– انا متعاملتش مع ولا شركة سياحة ولا فى مصر و ولا فى تركيا. انا طالع لوحدى مع نفسى وانا اللى مظبط كل حاجة. كانت تجربة جميلة و جديدة كلها متعة و مسئولية
– خلى بالكم فى اماكن فى اسطنبول بتقفل بدرى فظبطو مواعدكم كويس. و فى رحلة مركب ب 20 ليرة تحفة هناك خدو معاد 5 او 6 عشان تشوفو غروب الشمس او الدنيا تليل عليكم.
– فى انطاليا ملاقتش الا ال rafting و لو حد حابب ينزل البحر و كدة. فى حاجات تانية بس اغلى و انا طالع ترحال
– المية رخيصة هناك. الأكل الى حد ما رخيص. يعنى ممكن 12 ليرة اكل و شرب فى اليوم مع العلم ان ال hostel فى فطار.
– كبادوكيا اقرب محطة ليها Goreme
– كلم البنك بتاعك و قولهم انك مسافر عشان تعرف تستخدم الفيزا بتاعتك. يعنى انا دفعت كله بالفيزا و طالع ب 200$ بس. الفيزا بتاخد 3% بس زيادة. انما لو حتسحب فلوس من هناك حتدفع زيادة كتير اوى.
– للبنات: من احلى الأماكن اللى تعملى فيها shopping فى اسطنبول
Isteklal Street
Istanbul Cevahir
Grand Bazaar
و هناك رخيص اوى اوى اوى يعنى و ماركات اصلية و بيبقى فى sale مش عارف شكله دايما البنات اللى عرفتهم هناك اعدو بتاع 5 ايام shopping بس
– انا لو عليا كمان كنت زورت Bursa و كمان Pamukkale بس هما كانو 8 ايام بس بتاع 2300 كيلو فى الاتوبيسات فى بتاع 38 ساعة و طبعا Geogia دى كانت فى الخطة الأصلية انى اطلع عليها بعد تركيا بس الوقت كنت لازم ارجع مصر عشان الشغل بقى
بس كدة ده معظم الحاجات المهمة. لو حد عاوز حاجة تانية يكلمنى و لو حد ترحال يكلمنى عشان فى معلومات مهمة للناس الرحالة و خصوصا لو طالع لوحدك.
11. التكاليف:
الطيران + الفيزا + التأمين = 3700 + 1000 + 70 = 4770
ال hostel: اكلف معايا 620 بس الغلو كله فى انطاليا
الاتوبيسات: 1740
الأكل و الشرب و المواصلات و الفسح: 2450 و على فكرة انا زورت كل كل حاجة فى اماكن هناك التذكرة ب 40 ليرة و دى اماكن كتير
كدة كله: 9580 جنيه بس زورت 4 مدن و روحت كل حتة مزارات سياحية غالية و عملت rafting و اكلت مرة فى مطعم غالى و اتوبيسات كتير
طب لية انا بقول للناس 10 ايام بأقل من 10000؟ لو جينا حسبنهاها لو انت اعد فى اسطنبول بس ف انت كدة ال hostel حيبقى بحاوالى 1200
شيل ال 1740اتوبيسات خالص و اجمع تانى حتلاقى المبلغ كله بقى 8420 بس يعنى ارخص منى كمان قول زودلك 1000 كمان تمنجهه بيهم نفسك يبقى 9450 مثلا انت الكسبان برضو وش يعنى و على فكرة كل ده انا حاسب انى دافع 600 جنيه زيادة فى تمن الطيران و على فكرة كمان اشتريت حاجات من هناك ببتاع 50 ليرة مرة واحدة
التجربة دى عرضها الاستاذ @Ahmed Hamdy
